Më datë 14 prill 2022, ora 11:00, shoqëria ONE Albania sh.a. do të zhvillojë Asamblenë e Aksionarëve, pranë zyrave të shoqërisë.

Rendi i ditës që do të diskutohet:

1. Emërimi i Anëtarëve të rinj të Këshillit Mbikëqyrës të Shoqërisë;
2. Pranimi i dorëheqjes së Anëtarëve ekzistues të Këshillit Mbikëqyrës të Shoqërisë;
3. Shkarkimi i ish-Anëtarëve të Bordit të Administratorëve/Drejtorëve dhe Këshillit Mbikëqyrës nga çdo përgjegjësi në lidhje me çdo vendim, akt ose transaksion në lidhje me Shoqërinë nga data e emërimit përkatës të tyre deri në këtë mbledhje të Asamblesë së Përgjithshme;
4. Miratimi i auditorëve të jashtëm për vitin financiar 2022;
5. Të ndryshme.

SHËNIME PROCEDURIALE

* Çdo aksionar që dëshiron të marrë pjesë në Asamblenë e Aksionarëve mund të marrë pjesë personalisht ose me anë të një personi tjetër të caktuar me prokurë.

* Çdo aksionar ka të drejtë të marrë çdo informacion, në lidhje me pikat e propozuara të rendit të ditës në selinë e ONE Albania SHA gjatë orëve të punës 9:00 – 17:00 ose nëpërmjet e-mailit pas kërkesës me shkrim të drejtuar tek CEO i ONE Albania SHA në: amitaj@one.al.